Հարգելի Lera, բարև Ձեզ: Հղիության և ծննդաբերությունից հետո հաճախակի է առաջանում թութք: Եթե թութքը մեծ չէ, չկա պարբերաբար կրկնվող արյունահոսություն, հնարավոր է դեղորայքյին միջոցներով բուժել: Կարող եք օգտագործել "Հեպատրոմբին Գ" մոմիկներ երեկոյան և "Ռելիֆ Ադվանս" քսուք ցավերի համար, առավոտյան: Օգտակար են նաև "Չիչխանի" յուղով մոմիկները:

Հարգելի Anna, բարև Ձեզ: Ձեզ մոտ բավականին երկար ժամանակ է ինչ առկա է թութքը և այն արդեն ունի խրոնիկ բնույթ: Փորկապության պատճառը ցավերն են: Հնարավոր է դեղորայքային միջոցներն արդյունավետ չլինեն, և վիրահատության կարիք լինի: Որոշ ժամանակ կարող եք օգտագործել մոմիկներ, եթե սիմպտոմները չմեղմանան հարկավոր է դիմել պրոկտոլոգի, հնարավոր է վիրահատության կարիք լինի: Կարող եք օգտագործել դիկլոֆենակի մոմեր 5 օր և "Ռելիֆ Ուլտրա"-ի մոմեր:

Հարգելի'  կայքի այցելուներ, տեխնիկական պատճառներով հարցերին պատասխանելը ժամանակավորապես հնարավոր չէր, և որոշ հարցեր, որոնց պատասխանելն այլևս ակտուալ չէ, հեռացվել են կայքից: Խնդրում ենք, եթե Ձեր հարցերը դեռևս ակտուալ են, նորից գրել:  Հայցում են Ձեր ներողամտությունը պատճառված անհարմարության համար:

Հարգելի Bgo, իհարկե ցանկալի է թութքի դեպքում ստանալ համալիր բուժում: Տանը ցավերի ժամանակ կարող եք օգտագործել "Ռելիֆ Ադվանս" Մոմեր, օրը մեկ անգամ:

Հարգելի Anul, կախված է թութքի չափերից:

Հարգելի Anul, բարև Ձեզ: Թութքը հաճախ հանդիպող խնդիր է հղիության ընթացքում, որն ավելի խորանում է ծննդաբերությունից հետո: Եթե ցավեր չկան, առավել ևս չի արյունահոսում, ապա դա խոսում է, որ դեռ բարդություններ չկան, և որքան հնարավոր է շուտ հարկավոր է միջոցներ ձեռք առնել: Կարող եք օգտագործել "Ռելիֆ" մոմիկներ երեկոյան քնելուց առաջ և " Հեպատրոմբին Գ"- ի քսուքը առավոտյան:

Հարգելի INGA, ցավը և մռմռոցը ցույց են տալիս, որ կա թութքային հանգույցի բորբոքում: Այս դեպքում ցանկալի է խուսափել կոշտ և գրգրող սննդի ընդունումից: Կարող եք օգտագործել "Ռելիֆ Ադվանս" -ի կամ "Անեսթեզին"-ի մոմեր: Որպես հակաբորբոքային միջոց, կարող եք օգտագործել դիկլոֆենակի մոմեր: 

Հարգելի Kritine, եթե թութքըը արդեն արյունահսում է, ապա այն նոր չէ, իսկ ցավերը վկայում են բորբոքման մասին, և դեղորայքային միջոցները հնարավոր է արդեն էֆեկտիվ չլինեն: Տնային պայմաններում բարդացած թութքը բուժել ցանկալի չէ, ցանկալի է դիմել պրոկտոլոգի: Մինչ այդ կարող եք փորձել ռելիֆի կամ պրոկտոգլիվենոլի քսուկներ և դնել սառը: Ցավերի դեպքում կարող եք ընդունել ցանկացած ոչ ստերոիդային հակաբորբոքային ցավազրկող, օրինակ դիկլոֆենակ: Նո-շպան այս դեպքում այնքան էլ էֆեկտիվ չէ:

Հարգելի ANI, տնային պայմաններում թութքի բուժմամբ զբաղվելն այնքան էլ խելամիտ չէ: Հատկապես, եթե խոսքը վերաբերվում է արյունահոսող հեմորոիդալ հանգույցներին: Փորձեք օգտագործել Ռելիֆ մոմիկներ, սակայն առավել ճիշտն այս դեպքում պրոկտոլոգի դեմելն է: